نه‌ بيلير يــــار ديليني‌ بيلمــــه‌سه‌ كيم‌ تار ديلينـي‌!
تار ديلي‌ يار ديلي‌دير تاردان‌ ائشيد، يـــــار ديليني‌

ديليني‌ دانســــا بيري‌ ســـانكي‌ دانيب‌دير آناسين
اؤز ديلين‌ بيلمـــه‌يه‌نين‌ پارچـــالاييب‌ يـــار، ديلينـي‌

آنـــــاميــــن‌ لايلاسي‌ايله‌ وطن‌ عشــــقين‌ تـانيديم‌
عاردير اينسانليقــا هـــر كس‌ كي‌ بيله‌ عار، ديليني‌

آتسا هر كس‌ اؤز ائلين‌، اؤز اوْباسين‌، سن‌ آت‌ اوْنو
اؤز ديليــن‌ آنلامــــاسا كيمسه‌، كيم‌ آنــــلار ديليني‌

بيل‌ «نصير»آ بــــورويوب‌ گوللو چيچــك‌ يـوردوموزو
خوار اوْلار گـول‌ يئرينه‌ تـــوتسا بيري‌، خـــار ديليني‌