گول‌ چيچك‌دن‌ چوخ‌ چكيب‌ بولبول‌ نازي‌
گول‌لرين‌ده‌ تكجــه‌ سنسن‌ سولمازي‌!!

آق قانادلي‌ دوُرنـــــالاردان‌ گؤي‌ دوْلوب‌
گؤي‌ ده‌ وار مين‌لر قـــــارانقوش‌ اَن‌ آزي‌

سن‌ چيچك‌لنميش‌ بــــاهاريم‌سان‌ منيم‌
آچدي‌ حسرت‌ گـول‌لري‌ گؤرجــــك‌ يازي‌

بولبولـــــو ديللنديريـــــر گول‌ جيلوه‌سي‌
جيلـــــــوه‌دن‌ سال‌ سنده‌ سروِ شيرازي‌

باغ‌ دوْلوبـــــدور گــول‌ چيچكدن‌، لاله‌دن‌
سنــــــده‌ بير قوْينوندا ديللندير ســــازي‌

وار «نصير»يـــــن‌ چـــــوخ‌ نيازي‌ نازيــوا
من‌ اَزلـــدن‌ چــوْخ‌ سئوه‌رديـــم‌ گولنازي‌