تاپامميرام‌ سني‌ تك‌ تـــا دييـــم‌ اوره‌ك‌ سؤزومو
تاپـــــاندا دا سني‌ تك‌، مـــن‌ ايتيرميشم‌ اؤزومو

سنــــــي‌ گؤره‌نــــده‌ ده‌ رؤيا بيليب‌ اوْنو اوره‌ييم
‌اينانماييب‌ گاه‌ آچيب‌ گاه‌ دا يومموشــام‌ گؤزومو

اينان‌ كي‌ هيجر غميندن‌ گونوم‌ بيــر ايل‌ كئچيري‌
گؤزوم‌ دؤزور، اوره‌گيــــن‌ يوْخدي‌ ذرّه‌جه‌ دؤزومو

آلاولانيب‌ اوره‌ييــــــم‌ سؤنمه‌ييب‌دي‌ عشقينـدن‌
توتوب‌ «نصير» اوزون‌ كول‌ كي‌ گيزله‌ده‌ كؤزومو