لب‌لرينــــــدن‌ گؤزه‌ليم‌ اوْلمايـــــا بير شئي‌ جــــالانير
باخيرام‌ هئچ‌ ده‌ كسيلمير داليســــــي‌، هئي‌ جالانير

بير نفر قالمادي‌ بو شــهري‌ ده‌ مست‌ اوْلــــدو هامي‌
اوْ نئجه‌ بــــــاده‌ نــــه‌ معجوندي‌ پيـــــاپي‌ جــــــالانير

نيشـــــكرده‌ آيـــــاق اوستـــــه‌ دوُرا بيلــــمير ييخيلير
گؤر نه‌ عالم‌دي‌ كــــــي‌ شكّر تؤكولور، نئي‌ جــــالانير

مست‌ نرگيزلـــــري‌نين‌ ســـــاغري‌نين‌ بـــاده‌سي‌دير
مست‌ اوْلوب‌ هاممي‌ «نصير»آ دئيه‌سن‌ مئي‌ جالانير