آنــــــام‌ بوُيوروب‌ ايستيرسن‌ ســودوم‌ سنه‌ حلال‌ اوْلسون‌
چــــــاليش‌ دانيش‌ آناديلي‌، قويما ديلـــي‌ميز لال‌ اوْلسون‌

بو شيرين‌ ديل‌ بال‌ شــــاني‌دير، عشقين‌ صفانين‌ كاني‌دير 
توركو دانيش‌ قوي‌ اريسين‌ سؤز آغزيندا شان‌ بال اوْلسون‌

سؤزو ســــــازلي‌، سازي‌ سؤزلو، نازي‌ دوُزلو، دوُزو نازلي‌
اينانمـــارام‌ باشقــــا ديلده‌ بو ياراشيق‌، بو حــــال‌ اوْلسون‌

دريـــــالاردان‌ درين‌ ديلــــدي‌، هــــر ديل‌ بيلن‌ قدرين‌ بيلدي‌
«نصير» شيرين‌ ديلــــي‌ميزه‌ عالــم‌ ده‌ تاي‌ محال‌ اوْلسون‌