بيلسن‌ نــــــه‌ قده‌ر عـاشق‌ و ديوانه‌لرين‌ وار
عشقينــده‌ سنين‌ يانــــماقا پروانه‌لــــرين‌ وار

وار اينجه‌ قوْشـــــا قاره‌ گؤزه‌ل‌ خال‌ ياناقيندا
يوز، دام‌ِ بلا قــــــوُرمــــاقا، دُردانـــــه‌لرين‌ وار

مست‌ ائيليري‌ نرگيزلريوين‌ مست‌ و خوماري‌
گؤزلر دوْلوسو ســـــاغر و پيمانه‌لـــــرين‌ وار

هر بير باخيشين‌ بير اوره‌ك‌ آباد ائدير آممـــــا
هيــــــجرينده‌ نه‌ چوْخ‌ كلبة‌ ويــــرانه‌لرين‌ وار

من‌ ايسته‌مه‌رم‌ كي‌ آييرام‌ تئل‌لري‌ ساچدان
‌تئل‌ تئل‌ تئلي‌ تئلدن‌ آييران‌ شانه‌لـــــرين‌ وار

جـــــــان‌ لايق‌ِ جانان‌ اوْلا اي‌ كاش‌ «نصير»آ
قوربـــــانليقا چوْخ‌ سئوگيلي‌ جانانه‌لرين‌ وار