صبــــــا يئلي‌ گؤي‌ چمنين‌ ايستير تئلين‌ داراسيـــن‌
صوْنا بولبول‌ دؤشه‌ييب‌دير گولــــــوستانين‌ آراسين‌

شئح‌ گولابي‌ اينجي‌ كيمي‌ دوزولوب‌ گول‌ اوستونه‌
بولبول‌ سئوير قيزيل‌ گولـــو بير آختـــــاريب‌ آراسين‌

گول‌ تيكاني‌ قانادميشدير بولبولون‌ سينـــــه‌سيني‌
گول‌ ياپراقي‌ چوُلقاميشدير ناز بولبولون‌ يـــاراسين‌

محبّت‌لـه‌ شيرين‌ ديـــــل‌دير آغير دردين‌ درمـــــاني‌
بير اؤلوم‌لــه‌، آيريليقين‌ تاپـــــامماسان‌ چــــاراسين‌

شوْقدان‌ بـــــوُلود آغلايير، گؤي‌ گولــــوري‌ اوُجادان‌
ياغيش‌ بيلمير سوُلاياجاق بو بهشتين‌ هـــــاراسين‌

تـــــازا گؤزه‌ل‌ اينجـــــه‌ يوُو´ا بولبول‌لره‌ يوْنــــوردي‌
آغاج‌ ده‌لـــــن‌ ديمـــــديگي‌له‌ چالاندا ناغـــــاراسين‌