جانا اوْ لحظه‌دن‌ كي‌ دوشــوبدور گؤزوم‌ سنـــه‌
عهد ائتميشم‌ كي‌ قوربان‌ اوْلوم‌ من‌ اؤزوم‌ سنه‌

كيپريك‌لرين‌ اوْخـــــو يانــــار اوْد و´وُردي‌ قلبيمه‌
ائولر ييخير گؤزون‌ بــودور اي‌ گول‌ سؤزوم‌ سنه‌

گؤز يــــاشلاريم‌ داشـــــي‌ اَريدر سوُز هيجريدن‌
كيم‌دير وئرن‌ بــــو داش‌ اوره‌گيله‌ دؤزوم‌ سنــــه‌

لوطفوندن‌ اي‌ غــــزال‌ اليـــن‌ اوُزمه‌ييب‌ «نصير»
سن‌ وعده‌ وئـــر عؤمور بوْيو جــــانا دؤزوم‌ سنه