ياز چـــــاغي‌ گوللو چيچك‌لركي‌ دوزه‌ر، يار تئلينه‌
تيتره‌در كــــــؤنلومو تـــا چنـــگ‌ و´وُرام‌ تار تئلينه‌

تئلي‌ زنــجير اوْلــوري‌ بوْينوما گاهــــدان‌ دا كمند
يئري‌ وار سؤيـــله‌يه‌سن‌ جيلوه‌ده‌ شاهمار تئلينه‌

اله‌نيب‌دير، باشا باش‌ زر، گول‌ِ نـــاردان‌ باشينـــا
پارلاق اوُلدوزدو، قوْنوب‌ هئيوا كيمي‌ بار تئلينـــه‌

معرفت‌ تاپســا محبّت‌له‌ تيكــــان‌ دا گول‌ آچــــار
وار چوْخ‌ ايمكاني‌ دوزه‌ گوللو چيچك‌، خار، تئلينه‌

وصــله‌ اميد اوْلا گر هيــــجر ده‌گيل‌ چوْخدا چتين‌
ياز گونـــــونده‌ «نصيرين‌» ياغدي‌ آغير قار تئلينه‌

16/12/70