گول‌ تك‌ يـــاناقلاريندا قيزارديب‌ يــــاز، آلماسين‌
جانان‌ بو جاني‌ آلسادا كاش‌ كي‌، ياز، آلماسين‌

يوز گــــول‌ چيچكي‌ باغ‌ بوْيو جانانين‌ عطري‌ وار
تــــــاپشير نسيم‌ عطريني‌ ياردان‌، آز، آلماسين‌

شيلتاق وئريـر قفسده‌ اوره‌ك‌، يـــــالوارير سنـه‌
جوْرون‌ چوْخــــالسا دا منه‌، لوطفون‌ آزالماسين‌

نازه‌ نيــــازي‌ اوْلمايـــــاجاقدير اوْ، نــــازلي‌نيـــن‌
گون‌ اوْلماييب‌ كي‌ سروناز، اوْندان‌ ناز، آلماسين‌

زينت‌ وئرير جـــــواهيــره‌، اَلمـــــاسه‌، زيـــــوه‌ره‌
هر تــــــار زولفـــــي‌، قيمتين‌ ائيلر، آز، آلماسين‌

بولبول‌ كئفين‌ ســــازيله‌، ساز ائيلر، چيچك‌، گولر
سئومز «نصير» سُفره‌ باشيندا، ساز، اوْلماسين‌