|
آينا بوُلاق باشين توتــوب ياشيل مخــــمر خزهلر
آداخلي قيــــــزلار گليبلر بوُلاق بـــاشين گزهلر تافتا، زري، مخمر، ايپك شلته توُمانلي قيــــزلار
جئيران سودي داشيييرلار چيگينلرده كــوزهلر بوْيـــونلاردا مينلر اينجـــــه اينجي بوْيون باغيلار
چوْخ گؤرموشم گوموش سكّه عرقچينــه دوزهلر گولوب دانيشماِ سسلـــري بولاِ باشين بورويوب
نييه گــــرهك گــــؤزهل قيــــزلار خزهلري اَزهلــــر ائله گـــؤزهل، ائله نازلي، ائله جيلوهليسن كي
حاقلاري وار گوللر سني گؤرجـــــك آغيز بوزهلر يئل اسديكـــــجه الهنيـــــري گيلاس شكوفهلري
گؤرمـــــهليدير شكـــــوفهلر گـؤل اوزونده اوزهلـر يـــــــايير بوتــون اوُرمانلارا قيزيل گوللر عطريني
گؤر انصـــــافدير گولو، گولون، بوُداقيندان اوزهلر ياز چــــــاغيندا نييه گرهك باغ قـــــاپيسي باغلانا
آچيلاجــــاق قيفيللانميش پاســـــلي حلقه رزهلر قاققيلدايير، ديمديگي قان گؤزهل كهليك فرهسي
فــــرهلر سئويرلر تك تك گــــول ايچينــده سوزهلر يازيــــن گؤزهل جيلوهلري خيــــاليما سيخيشمير
ياز گؤسترير نئجه گــــؤزهل گؤركملي معـــجزهلر «نصير» گئجه، بير گئجهده، گئجه قالا بيلمـــهييب
گونش چيخار، گئجه قاچار، بوتـــون ايشلر دوزهلر تبريز ـ 28/10/69
|
اشعار 
