Gül tutup dünyanı, gəl gəz bir bağı axşam çağı
Gül, çiçəklərdən  qola düz qolbağı, axşam çağı

Qəlbimi yandırma tez gəl ki, ürək tab eyləməz
Qəlbimə çəkdin yaman hicran dağl, axşam çağl

Sən ki şəhdilə şəkərsən, birdə şirin ol mənə
Sən mənə fərhad tək, qazdır, dağı,  axşam çağı

Ildırımdan dərs alıbdır gözlərin, od parlasın
Od vurub yandirmağı, yan durmağı, axşam çağı

Hər kəsi yandırsa eşqin atəşi, day, toxdamaz
Şəmidən üyrənmisən yandırmağı, axşam çağı

Od vurub, qəlbim yanır, yarim təmaşayə gəlib
İstəmir bir zərrədə söndürmaği, axşam çağı

Aşiqin qəlbi yaman nazikdir eyne şişədir
Daş kimi istir könül sındırmağı, axşam çağı

Gül tutubdur hər yani, gahdan divardan boylanır
Bağ açıb öz başına gül bayrağı, axşam çağı

Sən nə sən? Tərlan kimi, ahu baxışlı bir quzu
Harda var ahu, olar qurd, oynağı, axşam çağı

Sən mənim nazlı yazımsan gəl sevindir aləmi
Sən gələndə tağ bəzər göy qurşağı, axşam çağı

Şənliyindən göy gülür ağlır bulut, oynur yağış
Başldı göy, yaş noğul yağdırmağı, axşam çağı

Yığsalar aləmdəki məhrulərin ən göyçəyin
Hüsnüdə olmaz yarın bir dırnağı, axşam çağı

?Lalədir, ya ki şəqayiq, ya qızıldandır şəfəq
Ya ki şəhdilə qatıblar qaymağı, axşam çağı

Açdı gül, nərgiz, bənöşə, lalə, sünbül, nargülü
Əsdi yellər oynadı gül yaprağı, axşam çağı
 
Durna göz, aydın bulaqdan buzlu su birtil axır
Qışda buzdan dərs alıb dondurmağı, axşam çağı

Çox uca güllər qucaqlarlar yarı, gülzardə
Gül ayağından öpər lap alçağı, axşam çağı

Aslanıp göydən qızıl tək tom üzüm salxımları
Hər tərəfdən də tutub gül çardağı, axşam çağı

Gün çıxar, hər gün (nəsir)a bu gecə, qalmaz gecə
Sevmişəm ay çıxmağı, gün batmağı, axşam çağı